Ուորեն Բաֆեթի մասին երկրորդ գրառումը կարող եք կարդալ այստեղ : Նույն թվականին Բաֆեթը գնում է արդեն Gillette-ի մեծ քանակությամբ բաժնետոմսեր, քանի որ այդ ընկերությանն էր պատկանում սափրվելու պարագաների շուկայի 72,5 %-ը:

Բացի վերոնշյալներից, այսօր նա մի քանի տասնյակ ընկերությունների բաժնետեր է, որոնցից են`

POSCO-մետալուրգիա 4,6% ,

Sanofi-Aventis -դեղագործություն 2,0%,

Tesco – մանրածախ առևտուր 3,0%,

U.S. Bancorp – բանկ 4,1%,

Wal-Mart Stores, Inc. –մանրածախ առևտուր 1,1%,

Wells Fargo & Company – ֆինանսական ընկերություն 6,8%,

ConocoPhillips – նավթ 2,0%,

Johnson & Johnson –սպառողական ապրանքներ 1,6%,

BYD Company, Ltd – մեքենաշինություն 9,9%,

Kraft Foods Inc. սնունդ 5,6%,

The Procter & Gamble Company սպառողական ապրանքներ 2,6% և այլն:

Այս ընկերությունների թվարկման իմաստը կայանում էր նրանում, որ համոզվենք բիզնեսի դիվերսիֆիկացման մասին Բաֆեթի պատկերացումերի վրա և տեսնենք, թե ինչ մեծ ոլորտներ են ընդգրկում նրա ներդրումները: Բաֆեթի որդեգրած կարևորագույն սկզբունքներից մեկն այն է, որ նա չի միջամտում գնված ընկերությունների օպերատիվ կառավարմանը: Նա ընդամենը գնում է ընկերությունը, որը նրան հրապուրիչ է թվում և միակ օպերատիվ որոշումը, որը նա կայացնում է, դա ընկերության գլխավոր տնօրենի նշանակումն է լինում, ինչպես նաև նրա աշխատավարձի ու պարգևավճարի չափն ու կարգը:

Ռիսկերի նվազեցումը Բաֆեթի գործունեության անկյունաքարերից մեկն է: իր հավաստմամբ` ինքն ավելի շուտ կհրաժարվի որևէ հրապուրիչ ձեռքբերումից, քան ընկերության պարտքի բեռը կմեծացնի` բանկերից վարկ վերցնելով: Այսօր նա աշխարհի ամենահարուստ մարդկանցից մեկն է, ով մինչև օրս ապրում է 30 տարի առաջ 31500 դոլարով գնված տանը, վարում իր հին Lincoln Towncar-ը և օրեկան դատարկում է Coca-Cola-ի անթիվ շշեր, իսկ իր կարողությունը կազմում է 46 մլրդ-ից ավելին:

Ուորեն Բաֆեթի աշխատանքային սկզբունքներն են`
1. Ներդրումը կայանում է նրանում, որ այսօր ներդնեք որոշակի գումար, և վաղը ստանաք ավելի շատ:

Նա շատ համեստ կյանք էր վարում, և շքեղ ռեստորաններ և թանկ ապրանքներ գնելու փոխարեն նա այդ գումարները դնում էր բաժնետոմսերի մեջ: 35 տարվա մեջ նրա նախնական գումարն ավելացել է 200 000%:
2. Գնեք այն ապրանքների բաժնետոմսերը, որոնք ձեզ իսկապես դուր են գալիս:Օրինակ` Ուորեն Բաֆեթը շատ է սիրում Gillette-ով սափրվել ու խմել Coca-Cola:
3. Մի ներդրեք այն ոլորտներում, որտեղ իսկապես դուք ոչինչ չեք հասկանում, քանի որ ձեր հասկացած բիզնեսում ներդրումն ավելի օգտակար է:
4.Ներդրեք այնպիսի ընկերությունում, որն ավելի գլոբալ է:
5. Հարկավոր է ուսումնասիրել ընկերության ողջ պատմությունը, որպեսզի հստակ որոշում կայացվի, այլ ոչ թե միայն հաջողության տարիները:
6. Երբ ես գնում եմ բաժնետոմսեր, ինձ չի հետաքրքրում, թե դրանք վաղն ինչ կլինեն, կարևորը իմանալ, թե ինչ կլինի տվյալ շուկայի հետ երկարաժամկետ կտրվածքով,- ասում է Բաֆեթը: